مرّة تحس إن قهوتك ناعمة وسلسة… ومرّة ثانية تلقاها لاذعة أو بطعم فاكهي غريب؟
السر هنا ما هو بنوع البن، ولا حتى في طريقة التحضير، السر الحقيقي في انواع معالجات القهوة.
فهي المرحلة اللي بتصنع الفرق الكبير في طعم كوبك، واللي تتكون فيها ملامح النكهة، بدايةً من الرائحة، إلى الحموضة، وحتى الانسجام اللي تحس فيه مع كل رشفة.
وسواء كنت من اللي يحبون القهوة سادة، أو تضيف لها لمسة حليب، فـ فهمك لـ انواع معالجات القهوة بيغيّر نظرتك للكوب اللي بيدك، وبيفتح لك أبواب نكهات وتجارب ما مرّت عليك من قبل.
انواع معالجات القهوة: وش معناها بالضبط؟
أغلب الناس يظنون إن طعم القهوة يعتمد بس على نوع الحبوب أو طريقة التحضير… لكن في الحقيقة يوجد مرحلة مهمة تمرّ فيها حبة البن قبل لا توصل لمحمصتك المفضلة أو جهاز التقطير عندك بالبيت، وهي مرحلة المعالجة.
وهي طريقة التعامل مع الحبة بعد القطف واللي تحدد بشكل مباشر النكهة النهائية سواء بحموضة عالية أو طعم فاكهي أو فيها لمسات من شوكولاتة… وعلشان تقرر الطعم اللي تبيه هذه هي انواع معالجات القهوة والفرق بين كل وحدة منها:
المعالجة الجافة:
يتم فيها تجفيف حبوب البن وهي لا تزال داخل القشرة تحت الشمس، وتعتبر هذي الطريقة قديمة وتقليدية بس تعطي نكهات قوية، وفاكهية، واللي تكون مثالية للي يحب القهوة الجريئة والغنية.
وعادةً ما يتم معالجة البن الاثيوبي بهذي الطريقة.
المعالجة المغسولة:
تم فيها إزالة القشرة واللب بالماء، ثم تُجفف الحبة وهي نظيفة. والنتيجة نكهة واضحة، وحموضة متزنة تميل للزهور أو الحمضيات، مثالية للفناجين الهادئة ممتازة للي يحب التوازن والوضوح في الطعم.
هنا يبرز البن اللي فيه تفاصيل دقيقة مثل محصول السلفادور . فـالغسيل بالماء يعطيه نظافة وطراوة في النكهة، ويخلّي الحموضة تظهر بشكل متوازن.
المعالجة بالعسل:
وهي خليط بين الطريقتين، ويتم فيها نزع القشرة، لكن يُترك بعض اللب على الحبة أثناء التجفيف لتعطي نكهات حلوة ومتوازنة بين الحلاوة والنقاء، وتقدر تحس بطعم التمر أو الكراميل بهدوء جميل.
واللي تكون مناسبة مع بن السلفادور، خصوصًا اللي فيه نوتات جوز أو كراميل.
في النهاية هذي هي أشهر انواع معالجات القهوة في العالم، وكل نوع فيها يخدم ذائقة مختلفة.
وباختصار الفرق بين هذه الأنواع إن فيه معالجة تخليك تحس إنك تشرب فاكهة، والثانية تخليك تذوق النقاء، والثالثة توازن بين الاثنين، ومعرفة هذي الأنواع بتخليك تختار قهوتك بثقة، وتستمتع بكل تفصيلة فيها.
أنواع معالجات القهوة في المحامص السعودية:
في السوق السعودي في وعي كبير بـانواع معالجات القهوة، وتلاحظ المحامص تكتب نوع المعالجة على الكيس، وبعضها يضع بطاقات فيها كل التفاصيل الدقيقة، وحتى الباريستا لما تسأله وش نوع المعالجة، يجاوبك بكل ثقة، ويعطيك توصية حسب ذوقك.
و من أهم هذي المحامص هي محمصة جراف واللي تقدم لك الكثير من الخيارات من كل أنواع القهوة المختصة وكمان ويوضحون لك النكهة المتوقعة من كل نوع حسب المعالجة.
لأن هدف جراف مو بس البيع، بل صناعة تجربة تبدأ من لحظة اختيارك للكيس، وتمر بتفاصيل النكهة، وتنتهي بلذّة الكوب اللي تحس فيه بالفرق.
وعشان كذا هما ما يقدمون أنواع القهوة التقليدية و لكن دايم يطورون من محاصيلهم واللي من أبرزها القهوة السعودية الأصيل بنكهتها العميقة اللي تدمج بين الحلاوة الغنية و النكهة العنبية المميزة.
هذا غير أنهم يهتمّون بتثقيف العميل، ويشرحون له معنى كل معالجة، وش ممكن يتوقع من كل نوع، وهذا بالضبط اللي يصنع الفرق بين محمصة تبيع، ومحمصة تبني علاقة.
الفرق بين معالجات القهوة المختصة والقهوة التقليدية:
بعد ما عرفنا انواع معالجات القهوة الأساسية، يجي السؤال الأهم وهو هل فيه فرق فعلاً بين المعالجة اللي تتم في القهوة المختصة، واللي في القهوة التجارية التقليدية؟
وعلشان نقدر نجاوب على هذا السؤال إليك الشرح المختصر لكل نوع قهوة:
القهوة المختصة:
تمر بعمليات معالجة دقيقة على دفعات صغيرة، تحت إشراف مباشر من مختصين، مع استخدام أدوات دقيقة لقياس درجة الرطوبة، ووقت التخمير، وطرق التجفيف.
وتركز انواع معالجات القهوة على استخراج أفضل نكهة من الحبوب فـ كل خطوة تؤثر على النكهة وجودة الكوب.
وهذي القهوة عادةً ما تتمتع بنكهة معقدة ومتوازنة، وتكون مصنوعة من حبوب ذات جودة عالية.
القهوة التقليدية:
أما في هذا النوع من القهوة ففي الغالب انواع معالجات القهوة التقليدية غالبًا تكون بشكل جماعي بإستخدام حبوب قهوة متنوعة، فلا يتم الاهتمام الكافي بالفرز، ولا تخضع لنفس الدقة في المعالجة اللي تمر بها القهوة المختصة، وهذا اللي يجعل النكهة أقل تميزًا ووضوحًا.
فالهدف الأساسي هو الإنتاج السريع بكميات ضخمة، بدون الاهتمام بالنكهة الفردية لكل نوع بن.
باختصار الفرق الأساسي بين القهوة المختصة والتقليدية يكمن في الجودة والدقة في كل مرحلة من مراحل انواع معالجات القهوة المختلفة، حيث تحظى القهوة المختصة بمعالجة دقيقة تضمن طعم غني وفريد، على العكس تمامًا من القهوة التقليدية.
نصائح لا تفوتك لكوب قهوة على مزاجك:
مع كل هذي الأنواع والفرق الكبير بين القهوة المختصة والتقليدية، طبيعي تحس إنك تايه شوي أو ما تعرف أنت إيش تختار من انواع معالجات القهوة، وعلشان كذا جمعنا لك شوية نصائح تساعدك تختار طريقة المعالجة اللي تناسبك، وتخلي كل كوب لك هو الكوب المثالي.
تحديد نوع النكهة المفضلة:
إذا كنت تفضل القهوة ذات النكهات الفاكهية والحموضة العالية، لازم تختار المعالجة الرطبة أو المغسولة. أما إذا كنت تحب النكهات الحلوة الغنية، فاختيار المعالجة الجافة هو الأنسب لك.
انتبه لطريقتك في التحضير:
بعض انواع معالجات القهوة تبرز أكثر مع أدوات معينة، فـ مثلاً القهوة المغسولة تظهر حلاوتها ونكهتها الغنية في الفلتر (V60)، أما الجافة تعطيك نكهة أغنى مع الإسبريسو أو الفرنش برس.
لا تحكم من أول تجربة
أحيانًا تذوق نوع معالجة من محمصة وما تعجبك، مو لأن الطريقة سيئة… بس لأن نوع البن ما كان مناسب لها. جرّب نفس المعالجة من محمصة ثانية، ولاحظ الفرق.
في النهاية، انواع معالجات القهوة ما هي مجرد خطوة في رحلة البن… هي اللي تصنع الفارق الحقيقي في طعم كوبك، ومع كثرة الخيارات وتنوع الأساليب، صار عندك اليوم وعي كافي يخلِّك تختار بعين خبيرة، وتستمتع بكل رشفة وأنت عارف وش جالس تذوق.
خلك دايم فضولي، جرب، ودوّن، ولا تتردد تفتح كيس جديد بطعم مختلف وإكتشف كوبك المثالي من خلال محمصة جراف.
الأسئلة الشائعة:
ما هي الطرق الثلاث لمعالجة القهوة؟
تحدثنا بالتفصيل خلال مقالتنا عن انواع معالجات القهوة بالإضافة إلى ما يناسبها من أنواع القهوة المختلفة، ولكن هذه هي الطرق الثلاث الأساسية لمعالجة القهوة باختصار:
المعالجة الجافة:
تُجفف الحبة وهي داخل القشرة تحت الشمس، وتنتج قهوة بنكهة فاكهية وغنية.
المعالجة المغسولة:
تُزال فيها القشرة واللب بالماء، ثم تُجفف الحبة نظيفة، والنتيجة طعم نقي وواضح وحامضي.
المعالجة بالعسل:
تُزال القشرة، لكن يُترك جزء من اللب أثناء التجفيف، لتعطي هذه الطريقة توازن بين الحلاوة والنقاء.
لماذا نضع الملح في القهوة؟
نضيف الملح للقهوة لتقليل المرارة وتعزيز النكهة، خاصة إذا كانت القهوة قوية أو محمصة بزيادة.
ويكفي رشة بسيطة حتى تعدّل الطعم بدون ما تغيّر النكهة.